سرکاری ملازمت کے خواہشمندوں کیلئے خوشخبری
اسلام آ باد ( مانیٹرنگ ڈیسک ) سرکاری ملازمت کے خواہشمند نوجوانوں کیلئے خوشخبری ہے کہ وفاقی اداروں کی 3ہزار سے زائد خا لی اسامیوں پر بھرتی کی منظوری دیدی گئی ہے۔
روزنامہ جنگ میں رانا غلام قادر کی شائع خبر کے مطابق اسٹیبلشمنٹ ڈویژن نے ہر ادارے کیلئے الگ الگ این او سی جاری کر د یے ہیں۔
نیشنل ہائی ویز اینڈ موٹروے پولیس کی 700 اسامیوں،جی ایچ کیو کی 310 اسامیوں ، پاکستان پوسٹ میں گریڈ 7 تک 2246 ،وزارت دفاع کے ماتحت محکمہ میں 383 ،نیشنل سکیورٹی ڈویژن کی 9 اسامیوں ،ڈی آئی جی جنگلات کی گریڈ 19 کی اسامی پر بھرتی کی منظوری دی گئی ۔بھرتی ریکروٹمنٹ پالیسی و باضابطہ قواعدو ضوابط کے مطابق ہو گی۔
