لاہور (ا ٓن لائن)پاکستان مسلم لیگ ق کے رہنما اور رکن قومی اسمبلی مونس الہٰی نے کہا ہے کہ پرویز الٰہی کو حلف لیے 24 گھنٹے نہیں ہوئے اور رانا ثنا ء اللہ کی ہوائیاں اڑ گئیں۔پاکستان مسلم لیگ ق کے رہنما اور رکن قومی اسمبلی مونس الہٰی نے وفاقی وزیر داخلہ رانا ثنا اللہ کی جانب سے پنجاب میں گورنر راج کے نفاذ کی دھمکی پر سماجی رابطوں کی ویب سائٹ ٹوئٹر پر اپنے ردعمل کا اظہار کرتے ہوئے کہاکہ پرویز الٰہی کو حلف لیے 24 گھنٹے نہیں ہوئے آپ کی ہوائیاں اڑ گئیں۔ گورنر راج کے بارے میں احمقانہ بیان دینے سے پہلے آئین پڑھ لیں۔ق لیگی رہنما نے مزید لکھا ہے کہ ابھی تو ماڈل ٹاؤن میں جو قتل عام آپ نے کیا تھا اس کا حساب دینا ہے۔