اسلام آباد (این این آئی)پاکستان تحریک انصاف کے رہنما ڈاکٹر شہباز گل نے مسجد اقصیٰ کے امام کے خط پر ردعمل دیتے ہوئے کہا ہے کہ عمران خان امت مسلمہ کے لیڈر ہیں۔پاکستان تحریک انصاف کے رہنما اور سابق مشیر ڈاکٹر شہباز گل نے

سماجی رابطوں کی ویب سائٹ ٹوئٹر پر اپنے ٹوئٹ میں کہا کہ عمران خان امت مسلمہ کے لیڈر ہیں۔ مسجد اقصیٰ کے امام نے بطورامت مسلمہ کے لیڈرعمران خان کوخط لکھا۔شہباز گل نے لکھا کہ مسجد اقصیٰ کے امام نے عمران خان کو لکھے گئے خط کے ذریعے مبارکباد دی۔ ان کے اقدامات کی تعریف کی اور دعا دی۔واضح رہے کہ مسجد اقصیٰ کے امام شیخ عکرمہ سعید الصبری نے عمران خان کو ایک خط لکھا ہے۔ اس کی تصدیق شیخ عکرمہ نے خود غیر ملکی میڈیا سے بات چیت کرتے ہوئے کی ہے۔انھوں نے خط میں لکھا ہم بیت المقدس میں ہیں تاہم ہمارے دل آپ کے اور پاکستانی قوم کے ساتھ ہیں۔ انھوں نے پنجاب میں حالیہ ضمنی انتخابات میں کامیابی پر عمران خان کو مبارک باد بھی پیش کی۔امام مسجد اقصیٰ نے عمران خان کو خط میں ایک بار پھر دعائیں دیتے ہوئے کہا کہ ہم دعا گو ہیں اللہ تعالی آپ کی حفاظت کرے، مدد فرمائے اور پاکستان کو سازشوں سے بچائے۔