کراچی (این این آئی)سینئر اداکار منظر صہبائی نے کہا ہے کہ خواہش ہے کہ اہلیہ ثمینہ کو لیکر کہیں بھاگ جائوں، سینئر اداکار منظر صہبائی اور سینئر اداکارہ ثمینہ احمد نے

ایک انٹرویو میں اپنی شادی اور تعلق کے حوالے سے گفتگو کی ہے ۔انسٹاگرام پر منظر صہبائی کی جانب سے ایک انٹرویو لنک شیئر کیا گیا ہے جس میں اداکارہ نے کہا کہ میرا ماننا ہے کہ محبت جب ہونا ہو، ہوجاتی ہے۔ اس پر منظر صہبائی نے اداکارہ کو سمجھاتے ہوئے کہا کہ

انٹرویو میں سوال آپ کا مجھ سے اتنی مضبوط اور پاورفل ایکٹر ہونے کیساتھ ساتھ ایک سفر ختم ہونے کے بعد شادی سے متعلق ہے

جس کے جواب میں ثمینہ نے کہا کہ جب بندہ اتنا اچھا اور خیال رکھنے والاہو تو کیوں نہیں؟انہوں نے کہا کہ کسی بھی تعلق کو بہتر بنانے کے لیے آپ نے اپنا ان پٹ ڈالنا ہوتا ہے

اور یہ کسی بھی رشتے کے لیے ضروری ہے۔دوران انٹرویو منظر صہبائی نے ہاتھ کے اشارے سے اپنی خواہش کا اظہار کرتے ہوئے کہا کہ میری خواہش ہے کہ میں ثمینہ احمد کو لے کر کہیں بھاگ جائوں۔