اسلام آباد (این این آئی)پی ڈی ایم کے ترجمان حافظ حمداللّٰہ نے کہا ہے کہ گزشتہ 4 سالہ عمرانی تباہی و سیاسی عدم استحکام مداخلت ہی کا نتیجہ تھا۔اپنے ایک بیان میں انہوں نے کہا کہ سیاست میں مداخلت نرم ہو یا گرم، ریاست کے لیے ہمیشہ تباہی کا سامان ثابت ہوئی ہے۔حافظ حمداللّٰہ نے کہا کہ ریاستی و معاشی استحکام چار عناصر میں مضمر ہے، آئین کی بالادستی، قانون کی عملداری، جمہور کی حکمرانی اور پارلیمنٹ کی سپریمیسی۔اْنہوں نے کہا کہ سب میں سپریم آئین ہے، پارلیمنٹ آئین کی خالق ہے، عدالت ہو یا جج، جرنیل ہو یا کوئی اور ادارہ آئین سے بالاتر نہیں ہے۔حافظ حمداللّٰہ کا کہنا ہے کہ یہ سب کے سب آئین کے سامنے سرنگوں اور پارلیمنٹ کو جوابدہ ہیں۔انہوں نے کہا کہ پی ڈی ایم کا ایک ہی نعرہ ہے کہ آئین اور پارلیمنٹ کو عزت دو۔