اسلام آباد (آن لائن) تحریک انصاف کے چئرمین عمران خان کی ہدایت سپریم کورٹ میں حمزہ شہباز کے وکیل کی بڑی دلیل بن گئی۔ وکیل نے عمران خان کی ہدایات عدالت میں پیش کردیں۔ دوران سماعت وکیل منصوراعوان نے کہا کہ وزیراعلیٰ پنجاب کے پہلے انتخاب میں پی ٹی )آئی کو ہدایات عمران خان نے دی تھیں، الیکشن کمیشن نے عمران خان کی ہدایات پر ارکان کو منحرف قرار دیا اور عمران خان کی جانب سے ایم پی ایز کو دی گئی ہدایت بھی عدالت میں پیش کردی۔ جسٹس اعجازالاحسن نے ریمارکس دیے کہ پنجاب اسمبلی کے منحرف اراکین کا کیس مختلف تھا،یہاں تمام 10 ممبران نے ایک ہی امیدوار کو ووٹ دیا، ق لیگ کیکسی رکن نے شکایت نہیں کی کہ پارلیمانی پارٹی اجلاس میں کچھ اور ہدایات دی گئیں۔