سالی بہنوئی سے شادی کی خواہشمند
ڈیرہ اسماعیل خان (این این آئی)ڈیرہ اسماعیل خان کے تھانہ پہاڑ پور کی حدود گاؤں لاڑ میں بہنوئی سے شادی کی خواہشمند خاتون نے ماں کے ساتھ مل کر بہن کے کھانے میں زہر ملا دیا۔
تفصیلات کے مطابق بستی زینگراں والی گاؤں لاڑ کی رہائشی خاتون نے تھانہ پہاڑپور میں رپورٹ درج کرائی ہے کہ میری ہمشیرہ جو کہ میرے خاوند سے شادی کی خواہشمند تھی۔
نے میری والدہ کی ملی بھگت سے میرے کھانے میں زہر ملا کر مجھے دیا۔خاتون کے مطابق زہر سے میری حالت غیر ہوگئی اور میرا 4 ماہ کا حمل بھی ضائع ہو گیا۔
تھانہ پہاڑ پور پولیس نے متاثرہ خاتون کی رپورٹ پر مقدمہ درج کرکے تفتیش شروع کر دی ہے۔
