اسلام آباد(آن لائن)”اداروں کا دباؤپشاور سے ہے یا راولپنڈی سے“ صحافی کے سوال پر مولانا فضل الرحمن ہنس پڑے اور کہاکہ یہ سوال دل کو لگتا ہے مگر اس کا جواب نہیں دے سکتا۔ پیر کے روز اپنی رہائش گاہ پر پریس کانفرنس کے دوران سربراہ پی ڈی ایم مولانا فضل الرحمن سے ایک صحافی نے سیاست میں اداروں کی مداخلت کے حوالے سے سوال کیا کہ یہ مداخلت پشاور سے ہی ہے یا راولپنڈی سے سوال سن کر مولانا فضل الرحمن سمیت دیگر شرکاء ہنس پڑے اور مولانا نے کہاکہ آپ کا سوال جی کو لگتا ہے مگر یہ وضاحت نہیں کرسکتا کہ مداخلت کہاں سے ہورہی ہے انہوں نے کہاکہ جس کو بھی سیاست کا شوق ہے وہ اداروں کو استعمال کرنے کی بجائے استعفیٰ دے اور کھل کر مقابلے پر آئے۔