نئی دہلی (این این آئی )پڑوسی ملک بھارت میں ماہی گیروں کے ایک گروپ کو 28 کروڑ روپے مالیت کی وہیل مچھلی کی قے مل گئی، اس قے کو امبرگریس کہتے ہیں جو انتہائی مہنگے داموں فروخت ہوتی ہے۔بھارتی میڈیا رپورٹس کے مطابق ماہی گیروں کو سمندر میں 28.400 کلو گرام وزنی امبرگریس مل گئی جو انہوں نے ساحل پر لا کر ساحلی پولیس کے حوالے کر دی۔ساحلی پولیس نے بھارتی میڈیا کو بتایا کہ ماہی گیروں نے امبرگریس ہمارے حوالے کی ہے، اس ضمن میں ہم نے محکمہ جنگلات کو مطلع کیا ہے اور انہوں نے یہ ہم سے وصول کی۔ذرائع نے بتایا کہ پرفیوم بنانے میں استعمال ہونے والی ایک کلو امبرگریس کی بین الاقوامی مارکیٹ میں قیمت تقریبا ایک کروڑ روپے ہے۔بھارت میں قانون کے تحت امبرگریس کی فروخت ممنوع ہے۔