کیا آپ میری کسی سے کشتی کروانا چاہتے ہیں، چودھری شجاعت حسین کا فواد چودھری کو فون

لاہور( این این آئی)چوہدری شجاعت حسین اور ان کے صاحبزادے سالک حسین نے فواد چوہدری کو آڑے ہاتھوں لے لیا۔

فواد چوہدری نے سپریم کورٹ کے باہر گفتگو کرتے ہوئے چوہدری شجاعت، سالک حسین اور طارق بشیر چیمہ کو شدید تنقید کا نشانہ بنایا تھا۔

نجی ٹی وی کے مطابق چوہدری شجاعت نے فواد چوہدری کو فور ی ٹیلی فون کیا اور کہا کہ کیا آپ میری کسی سے کشتی کرانا چاہتے ہیں۔

چوہدری شجاعت کی بات پر فواد چوہدری انہیں جواب دینے کی بجائے آگے سے مسکرا دئیے۔سیٹ ایڈجسٹمنٹ اور تحریک انصاف

کے ووٹ لینے کے بیان پر چوہدری شجاعت کے صاحبزادے سالک حسین نے سماجی رابطے کی ٹویٹ پر رد عمل کا اظہار کرتے

ہوئے کہا کہ عام انتخابات میں یہ فیصلہ ہوا تھا کہ دونوں جماعتوں یعنی پاکستان مسلم لیگ (ق)اور تحریک انصاف ملک بھر میں

ایک دوسرے کے مقابلے میں امیدوار کھڑا نہیں کریں گے۔شاید فواد چوہدری یہ بات بھول گئے ہیں کہ اس ایڈجسٹمنٹ سے وہ خود بھی مستفید ہوئے تھے۔