راولپنڈی ( آن لائن)لاہور ہائیکورٹ راولپنڈی بنچ نے آر او کو حلقہ پی پی 7 کہوٹہ کلر سیداں کے نتائج جاری کرنے سے روکدیا ہے۔تفصیل کے مطابق لاہور ہائیکورٹ راولپنڈی بنچ نے انتائج جاری کرنے سے روکتے ہوئے پی ٹی آئی کے امیدوار شبیر اعوان کی دائر پٹیشن نمٹا دی ہے اور درخواست گزار کو آج صبح الیکشن کمیشن سے رجوع کرنے کا حکم دیا ہے۔ واضح رہے کہ اس سے قبل پنجاب اسمبلی کے حلقہ پی پی 7 کہوٹہ کلر سیداں کے آر او نے پی ٹی آئی کے امیدوار شبیر اعوان کی درخواست پر محفوظ فیصلہ سناتے ہوئے دوبارہ گنتی کی استدعا کو مسترد کردیا تھا۔فیصلے میں کہا گیا تھا کہ پی پی 7 میں نتائج کے وقت تمام پولنگ ایجنٹس موجود تھے، نتائج میں تاخیر کی وجہ آر ٹی ایس سسٹم بریک ہونا تھا۔