75 سال بعد بھارتی خاتون کی راولپنڈی جنم بھومی آمد
راولپنڈی(این این آئی)75 سالوں بعد سرحد پار سے 92 سالہ بھارتی خاتون آنکھوں میں نمی اور ڈھیروں یادیں لئے اپنی جنم بھومی راولپنڈی واپس پہنچ گئیں۔
تقسیم ہند کے وقت بھارت منتقل ہونے والی رینا ورما آزادی کی 75 ویں سالگرہ کی خوشیاں منانے پاکستان میں اپنے آبائی گھر پہنچیں ہیں، جہاں ان کا اہل محلہ نے ڈھول کی تھاپ اور گلاب کی پتیاں نچھاور کر کے شاندار استقبال کیا۔
رینا ورما لوگوں کی محبت دیکھ کر خوشی سے جھوم اٹھیں اور ڈھول کی تھاپ پر بھنگڑا بھی ڈالا۔نجی ٹی وی سے گفتگو کرتے ہوئے رینا ورما نے کہا کہ جو محبت اور اپنا پن چھوڑ کر گئی۔
اس سے زیادہ ملا ہے، وہ پاکستان آ کر بے حد خوش ہیں، جس گھر میں وہ رہتی تھیں ان کا بچپن گزرا، وہ آج بھی ویسا ہی ہے، اور انہیں اتنے سالوں بعد بھی وہی اپنا پن محسوس ہوا۔