اسلام آباد(نیوز ڈیسک)برطانیہ میں منعقدہ ایئر شو کے دوران جنگی طیارہ گرنے سے پائلٹ سمیت 7 افراد ہلاک جب کہ 15 زخمی ہوگئے۔غیرملکی خبر ایجنسی کے مطابق برطانوی فضائیہ کی تنظیم رائل ایئر فورس ایسوسی ایشن نے شورم ایئربیس پر خصوصی ایئر فیسٹیول کا انعقاد کیا تھا ،اس دوران ایک جنگی طیارہ کرتب دکھاتے ہوئے بے قابو ہوکرزمین پرموجود گاڑیوں پرجا گرا، جس کے نتیجے میں پائلٹ سمیت 7 افراد ہلاک جب کہ 15 زخمی ہوگئے۔مقامی انتظامیہ کا کہنا ہے کہ زخمیوں میں سے 14 معمولی زخمی تھے جنہیں ابتدائی طبی امداد امداد دینے کے بعد فارغ کردیا گیا جب کہ ایک زخمی کی حالت تشویشناک ہے جس کی جان بچانے کے لئے کوششیں جاری ہیں۔