سکھر(آن لائن)بڑھتی ہوئی مہنگائی ، ملک بھرکے نان بائیوں نے بھی روٹی کے ریٹ بڑھا دیئے ، پرائس کنٹرول کمیٹیاں غیر فعال ، شہری و سماجی حلقوں میں تشویش کی لہر دوڑ گئی ، دوسری جانب کمشنر سکھر ، ڈپٹی کمشنر سکھر دیگر متعلقہ اداروں سے نوٹس لینے کا مطالبہ ،
تفصیلات کے مطابق ملک میں بڑھتی ہوئی مہنگائی ، پیٹرولیم مصنوعات کی قیمتوں میں اضافے کے بعداشیاء خوردنوش کی قیمتوں میں بے تحاشہ اضافہ ہو رہا ہے وہی اب سکھر کے نان بائیوں نے بھی روٹیوں کے ریٹ میں انتظامیہ کو غیر فعال قرار دیتے ہوئے اپنی مرضی کے نئے ریٹ مقرر کر کے تمام نان بائیوں کو نوٹیفکشن جاری کردیا ہے ، آل سکھر ہوٹل اینڈ شیر مال ایسوسی ایشن کی جانب سے جاری کردہ نوٹیفکشن کے مطابق مورخہ 4جولائی 2022سے بڑھتی ہوئی مہنگائی کے باعث نان ، روٹی، چپاتی کے ریٹوں میں اضافہ کر دیاگیا جس کے بعد سادہ نان 20روپے ، فرمائشی چپاتی 15روپے،سادہ چپاتی 13روپے مقرر کر دیئے ہیں نوٹیفکشن ملنے کے بعد سکھر کے تمام نان بائیوں نے نئے ریٹ وصول کرنا شروع کر دیئے ہیں اور نان ، روٹی ، چپاتی سمیت دیگر آئیٹم پر ریٹ بڑھا دیئے ہیں نان ، روٹی ، چپاتی پر نئے ریٹ مقرر ہونے پر سکھر کے شہری و سماجی حلقوں میں تشویش کی لہر دوڑ رہی ہے اور انہوں نے سکھر انتظامیہ بلخصوص کمشنر سکھر ، ڈپٹی کمشنر سکھر ، پرائس کنٹرول کمیٹی کے چیئرمین سمیت دیگر متعلقہ اداروں کے بالا حکام سے نوٹس لینے کا مطالبہ کیا ہے
