میڈیا ٹائیکون کی بیوی عدالت پہنچ گئیں

واشنگٹن(این این آئی)امریکی میڈیا ٹائیکون روپرٹ مرڈوک کی بیوی نے طلاق کے لیے امریکی عدالت سے رجوع کر لیا۔

میڈیارپورٹس کے مطابق میڈیا ٹائیکون روپرٹ مرڈوک سے طلاق لینے کے لیے ان کی بیوی جیری ہال نے امریکی ریاست کیلی فورنیا کی عدالت میں درخواست دائر کر دی۔

درخواست میں جیری ہال نے موقف اختیار کیا کہ ناقابل مصالحت اختلافات کی بنا پر وہ شادی کے 6 سال بعد اپنے شوہر سے طلاق لینا چاہتی ہیں۔

درخواست میں 66 سالہ ماڈل و اداکارہ جیری ہال نے 91 سالہ روپرٹ مرڈوک سے جائیداد میں اپنے حصے کے ساتھ بچوں کی کفالت کا بھی مطالبہ کیا ہے۔