بڑی اسکرین لگانے کے معاملے پر پی ٹی آئی اور پولیس میں تصادم

کراچی (این این آئی)شہر قائد میں عمران خان کے اسلام آباد جلسے کا خطاب دیکھنے کے لیے بڑی اسکرین لگانے

کے معاملے پر پی ٹی آئی کارکنوں اور پولیس میں تصادم ہوگیا۔تفصیلات کے مطابق تحریک انصاف کے اسلام آباد پریڈ گرانڈ

میں جلسے کے دوران عمران خان کا خطاب براہ راست دیکھنے کے لیے سی ویو کے مقام پر بڑی اسکرین لگانے کا اہتمام کیا گیا،

تاہم پولیس نے پی ٹی آئی کارکنوں کو اسکرین لگانے سے روکتے ہوئے سامان سمیت گاڑیاں روک دیں۔اس موقع پر تحریک انصاف کے

رہنما عمران اسماعیل، علی زیدی، فہیم خان، بلال غفار، جمال صدیقی، شہزاد قریشی و دیگر بھی موقع پر موجود تھے۔

ذرائع کے مطابق علی زیدی سمیت دیگر رہنماں کی پولیس کے ساتھ دھکم پیل ہوئی اور پی ٹی آئی رہنماؤں نے پولیس سے گاڑیاں چھڑوا لیں۔

موضوعات:تصادم