7 دن میں کونسا حج ختم ہونے والا ہے،7 دن میں کون سے لوگ احرام اتار کر واپس آئینگے؟ عظمیٰ بخاری کا سوال

لاہور( این این آئی)مسلم لیگ (ن) پنجاب کی سیکرٹری اطلاعات عظمیٰ بخاری نے کہا ہے کہ چوہدری پرویز الٰہی خوامخواہ

عدالتوں کا وقت ضائع کر رہے ہیں،ہمارے پاس پہلے دن سے 177 کی تعداد موجود ہے۔میڈیا سے گفتگو کرتے ہوئے انہوں نے کہا کہ

سوال یہ ہے کہ تحریک انصاف اور (ق)لیگ کے پاس کتنی تعداد ہے؟ مجھے سمجھ نہیں آ رہی یہ کیا کیس لڑ رہے ہیں۔

ایک طرف کہہ رہے ہیں، ہمیں7 دن کا ٹائم دیں، پوچھتی ہوں 7 دن میں کونسا حج ختم ہونے والا ہے،7 دن میں کون سے لوگ احرام اتار کر واپس آئیں گے؟

،خوامخواہ عدالتوں کا وقت ضائع کیا جا رہا ہے۔عظمی بخاری نے کہا کہ حمزہ شہباز اس وقت بھی وزیراعلی پنجاب ہیں،

دوبارہ انتتخاب اور گنتی کے بعد وزیراعلی پنجاب وہ ہی ہوں گے۔انہوں نے کہا کہ پرویز الٰہی ایک روتے بچے کی طرح ہیں، ان کو پتہ ہے میں ہار گیا ہوں، وہ پچ پر بیٹھ کر رو رہے ہیں کہ کھیلنے نہیں دوں گا۔

موضوعات:عظمیٰ بخاری