لاہور(مانیٹرنگ ڈیسک) الیکشن ٹربیونل نے تحریک انصاف کے چیرمین عمران خان کے حق میں فیصلہ دے دیا۔عمران خان کی پیٹیشن منظورہوگئی ۔الیکشن ٹربیونل نے این اے 122میں دوبارہ الیکشن کافیصلہ سنادیااورسپیکرایازصادق نااہل ہوگئے ہیں اس کے ساتھ دوصوبائی نشتیں پربھی امیدوارنااہل ہوگئے ہیں ۔الیکشن ٹربیونل کے جج کاظم ملک نے این اے 122 کا فیصلہ لکھوانا شروع کر دیا۔ جج کاظم ملک کا کہنا تھا کہ مختصر نہیں تفصیلی فیصلہ آج ہی جاری کروں گا ۔ ان کا مزید کہنا تھا سات بجے سے فیصلہ سنا دیا جائے گا۔ تفصیلی فیصلے کی تیاری کی وجہ سے تاخیر ہو رہی ہے۔ تحریک انصاف اور مسلم لیگ ن کے کارکن آمنے سامنے آ گئے ہیں۔ الیکشن ٹربیونل کے باہر جہاں نون اور جنون کا آمنا سامنا ہوا وہیں کچھ مزے مزے کے نعرے بھی سننے کو ملے۔ لیگیوں نے آنکھیں مل مل کر رو عمران رو کی صدا بلند کی۔ کچھ نے شیراں دے پتر شیر باقی سارے ڈھیر کی روایتی صدا لگائی۔ پی ٹی آئی والے بھی پیچھے نہ رہے اور مک گیا تیرا شو ، گو نواز گو کے نعرے لگاتے رہے۔ مرد تو آپے سے باہر ہوئے ہی کئی خواتین بھی جذباتی ہو گئیں اور کارکن وقفے وقفے سے ایک دوسرے کے ساتھ الجھتے رہے