کولمبو(این این آئی)سری لنکا میں ایندھن بحران سے نمٹنے کیلئے 10جولائی تک عوام کو پیٹرول کی فروخت پر پابندی لگادی گئی ۔میڈیارپورٹس کے مطابق معاشی بدحالی کے شکار سری لنکا نے ملک میں 10جولائی تک عوام کو ایندھن کے فروخت پر پابندی عائد کر دی، یہ پابندی ہنگامی حالات کیلئے پیٹرول اور ڈیزل بچانے کیلئے لگائی گئی ہے۔جس کے بعد پیٹرول پمپس بند کردیئے گئے ، شہری پیٹرول کی تلاش میں مارے مارے پھرتے رہے ۔حکام نے پیٹرول کی سپلائی صرف ٹرینوں، بسوں میڈیکل سروسز اور اشیائے خورونوش کی ترسیل تک محدود کردی جبکہ طلبہ اورملازمین کو گھروں سے کام کرنے کی ہدایت کی گئی ہے ۔