لاہور( این این آئی)پاکستانی ڈرامہ انڈسٹری کی معروف اداکارہ اور میزبان جگن کاظم کی شادی کی سالگرہ منانے کی دلچسپ ویڈیو سوشل میڈیا پر وائرل ہوگئی۔اداکارہ و میزبان جگن کاظم نے فوٹو اور ویڈیو شیئرنگ ایپ انسٹاگرام پر شادی کی سالگرہ کے موقع پر
ایک دلچسپ ویڈیو شیئر کی جس میں وہ اپنے شوہر فیصل نقوی کو شادی کی نویں سالگرہ کی مبارک باد منفرد انداز میں دے رہی ہیں۔ویڈیو میں دیکھا جاسکتا ہے کہ جگن ڈھول والوں کو اپنے گھر میں قائم دفتری حصے میں لے آتی ہیں اور ڈھول کی تھاپ پر شوہر کو گلاب کے پھولوں کا ہار پہنا کر مبارک باد دیتی ہیں۔جگن نے ویڈیو شیئر کرتے ہوئے کیپشن میں لکھا کہ مجھے تمہیں شرمندہ اور پاگل کرنا بہت پسند ہے، میرے پاگل پن کو برداشت کرنے اور ہمیشہ میرا ساتھ دینے کے لیے آپ کا شکریہ۔اداکارہ کا یہ منفرد انداز شوبز شخصیات سمیت سوشل میڈیا صارفین کو بھی پسند آیا اور ویڈیو کو اب تک لاکھوں صارفین دیکھ چکے ہیں۔جگن نے لکھا کہ چھوٹی سی زندگی ہے اسے مزے سے جیو اور خوشیاں بانٹو، ہاں میں پاگل ہوں لیکن اچھے قسم کی پاگل ہوں۔
