اوٹاوا (این این آئی)معروف گلوکار عاطف اسلم کی جانب سے کینیڈا میں منعقد میوزک کنسرٹ کے بعد خصوصی ضروریات کے حامل بچے کو چومنے کی ویڈیو وائرل ہونے کے بعد لوگ ان کی تعریفیں کرتے دکھائی دیے۔عاطف اسلم گزشتہ ماہ مئی سے امریکا اور کینیڈا کے میوزک کنسرٹس دوروں پر ہیں اور وہ رواں ماہ کے اختتام تک کینیڈا میں پرفارمنس کریں گے۔حال ہی میں انہوں نے ایٹلانٹا میں منعقد میوزک کنسرٹ میں پرفارمنس کی، جہاں ہزاروں مداحوں نے ان کی براہ راست پرفارمنس دیکھی۔عاطف اسلم نے 19 جون کو ایٹلانٹا میں منعقد کنسرٹ میں پرفارمنس کی، جس میں نہ صرف مرد بلکہ خواتین اور بچوں کی بہت بڑی تعداد نے بھی شرکت کی اور ان کا کنسرٹ دیکھنے کے لیے خصوصی ضروریات کے حامل افراد بھی پہنچے۔ایسے ہی افراد میں ایک بچہ بھی شامل تھا، جنہوں نے میوزک کنسرٹ کے اختتام کے بعد عاطف اسلم سے ملاقات کی اور اس دوران گلوکار نے انہیں سب کے سامنے چوم کر لوگوں دل جیت لیے۔