اسلام آباد (این این آئی)ایف ائی اے نے انٹرپول کے ذریعے پنجاب پولیس کو مطلوب 5 ملزمان گرفتار کر لیا ۔ ایف آئی اے کے مطابق متحدہ عرب امارات فرار ہونے والے پانچوں ملزمان کو گرفتار کر کے پاکستان لایا گیا۔ایف آئی اے کے مطابق گرفتار ملزمان محمود وقاص، محمد ندیم، شاہ محمد گوندل، رمیز خان اور عباس علی قتل کے مقدمات میں ملوث تھے اور پنجاب پولیس کو مطلوب تھے۔ایف آئی اے کے مطابق ملزمان کی گرفتاری کے لئے ایف آئی اے انٹرپول کی جانب سے ریڈ نوٹس جاری کیے گئے تھے۔ایف آئی اے کے مطابق ایف آئی اے نے انہیں گرفتار کر کے اسلام آباد ایئرپورٹ پر متعلقہ سی پی او راولپنڈی اور ڈی پی او سیالکوٹ، شیخوپورہ اور گجرات کے حوالے کر دیا۔