لاہور(این این آئی)معروف کاروباری شخصیت سیٹھ عابد مرحوم کی صاحبزادی کے قتل کا ڈراپ سین ہو گیا،مقتولہ فرح کو لے پالک بیٹے فہد نے پسند کی شادی میں رکاوٹ بننے پر گولی مار کر قتل کیا۔پولیس ذرائع کے مطابق ملزم فہد پسند کی شادی کرنا چاہتا تھا لیکن والدہ نے اس رشتے کو ماننے سے انکار کر دیا۔ملزم نے قتل کرنے کے بعد اسے خودکشی کا رنگ دینے کی کوشش کی۔بتایاگیا ہے کہ گھریلو ملازمہ رضیہ نے فہد کے ساتھ مل کر کرائم سین کو ختم کرنے کی کوشش کی،رضیہ طلاق یافتہ اور ایک بیٹی کی ماں ہے جس نے فہد سے تعلق قائم کر رکھا تھا،رضیہ نے ہی پولیس کو بیان دیا کہ ملزم پسند کی شادی کرنا چاہتا تھا۔ملزمان نے مل کر پستول غائب کیا۔