سی پیک، نان سی پیک اور نجی کمپنیوں میں کام کرنے والے چائنیز کی سکیورٹی کے لئے بڑا فیصلہ
اسلام آباد(این این آئی)وفاقی وزیر داخلہ اور وزارت داخلہ کی ہدایت پر سی پیک، نان سی پیک اور نجی کمپنیوں میں کام کرنے والے چائنیز کی
سکیورٹی کے لئے ڈسٹرکٹ فارنر سکیورٹی سیل قائم کرنے کا فیصلہ کرلیا گیا۔ ہفتہ کو فیصلہ آئی جی اسلام آباد ڈاکٹر اکبر ناصر خان کی زیر صدارت اہم اجلاس میں کیا گیا۔
سی پیک سیکیورٹی کی طرز پر تمام ایس او پیز کا اطلاق نان سی پیک سیکیورٹی منصوبوں کے لیے بھی کیا جائے گا،سپیشل برانچ، سی ٹی ڈی اور سکیورٹی ڈویڑن وقتاً فوقتاً سکیورٹی انتظامات کا آڈٹ کریں گے،
ڈی آئی جی آپریشنز ڈسٹرکٹ فارنرز سیکیورٹی سیل کے کام کی نگرانی کریں گے،سیل کی سربراہی ایڈیشنل ایس پی آپریشنز کریں گے،
اسلام آباد پولیس چائنیز زبان بولنے والے نوجوان پاکستانی مردوں اور عورتوں کی خدمات حاصل کرے گی،دفتر خارجہ اور دیگر قانون نافذ کرنے والے اداروں کے ساتھ ضروری ہم آہنگی کی جائے گی،ڈسٹرکٹ اینڈ فارنر سکیورٹی سیل میں ڈیٹا انٹیگریشن نادرا کی مدد سے کیا جائے گا۔
