اسلام آباد (این این آئی)جون کے آغاز میں مہنگائی کی شرح میں 2فیصد اضافہ دیکھا گیا ۔ادارہ شماریات نے رواں ہفتے کے دوران مہنگائی کی تفصیلات جاری کردیں،رواں ہفتے مہنگائی کی شرح میں 2فیصد کا تاریخی اضافہ ریکارڈ کیا گیا ،مہنگائی کی مجموعی شرح 20.04کی بلند ترین سطح پر پہنچ گئی ،رواں ہفتے 28اشیاء کی قیمتوں میں اضافہ ریکارڈ کیا گیا ،رواں ہفتے 5اشیاء کی قیمتوں میں کمی ریکارڈ کی گئی،رواں ہفتے 18اشیاء کی قیمتوں میں استحکام ریکارڈ کیا گیا ،ایک ہفتے میں آلو9، انڈے 6، خوردنی گھی 5فیصد مہنگا ہوا ،بریڈ 2.72، دالیں 2فیصد اور خوردنی تیل 2.18فیصد مہنگا ہوا،ڈیزل 20.69 فیصد جبکہ پیٹرول 19.91فیصد مہنگا ہوا ،چکن 4.68، ادرک 2.75، آٹا 1.91فیصد سستا ہوا۔