لاہور (این این آئی) قومی احتساب بیورو(نیب) نے سابق چیئرمین واپڈا مزمل حسین کو 6 جون کو طلب کر لیا۔قومی احتساب بیورو (نیب) کی طرف سے جاری کیے گئے نوٹس کے مطابق سابق چیئرمین واپڈا کو مالی بے ضابطگی کے الزام میں نیب لاہور نے طلب کیا ہے۔نوٹس کے مطابق تربیلا فور پراجیکٹ میں 753 ملین ڈالرز کی مبینہ کرپشن ہوئی، جو کہ پاکستانی تقریباً 150 ارب روپے بنتے ہیں، چیئرمین واپڈا نے زبردستی کنٹریکٹرز کو غلط ادائیگیاں کروائیں۔ 1410 میگا واٹ پراجیکٹ کی فی یونٹ تعمیر سب سے مہنگی ہوئی۔واضح رہے کہ سابق چیئرمین واپڈا مزمل حسین7 مئی کو عہدے سے مستعفی ہوئے تھے۔