لاہور(این این آئی)وزیراعظم شہباز شریف کی ہدایت پر یوٹیلٹی اسٹورز پر آٹا سستا کرنے کا نوٹیفکیشن جاری کردیا گیا۔نوٹیفکیشن کے مطابق یوٹیلیٹی اسٹورز پر 20 کلو آٹے کا تھیلا 180 روپے سستا کردیا گیا ہے جبکہ 10 کلو کے تھیلے پر 90 روپے کمی کی گئی ہے۔نوٹیفکیشن کے مطابق 20 کلو کا تھیلا 980 روپے سے کم کرکے 800 روپے اور 10 کلو کا تھیلا 490 روپے سے کم کرکے 400 روپے کردیا گیا ہے۔جمعہ کے روز یوٹیلیٹی اسٹورز پر آٹے کی قیمت میں اضافہ سامنے آیا اور 20 کلو کا تھیلا 180 روپے مہنگا کیا گیا تھا۔