منکی پاکس ، حکومت کا  بڑا فیصلہ

لاہور( ایناین آئی) پنجاب حکومت نے منکی پاکس کے پھیلائو میں اضافے کے پیش نظر ڈنمارک کے سفارت خانے کو ویکسین منگوانے کے لیے خط لکھنے کا فیصلہ کیا ہے، حکومت ویکسین کی دس لاکھ خوراکیں ڈنمارک سے منگوائے گی، ویکسین کو ہیلتھ کئیر ورکز اور کم قوت مدافعت والے افراد کے لیے منگوایا جائے گا۔ذرائع کے مطابق کل پیر کے روز سے پنجاب کے تمام ڈاکٹرز کی منکی پاکس پر ٹریننگ شروع ہو گی اور یونیورسٹی آف ہیلتھ سائنسز ڈاکٹرز کو منکی پاکس کے علاج پر تربیت بھی دے گی۔یہ خطرناک مرض پہلے جانوروں کے ذریعے انسانوں کو متاثر کرتا ہے اور پھر انسانوں سے انسانوں میں منتقل ہوتا ہے جیسے کورونا وائرس سے متاثرہ شخص دوسرے شخص کو متاثرکرتا ہے۔