اسلام آباد (آن لائن) وزیراعظم شہباز شریف آئندہ ہفتے ترکی کا دورہ کرینگے، دورے کا مقصد پاکستان اور ترکی کے مابین اعلیٰ سطح اسٹریٹجک بات چیت ہے۔سفارتی زرائع کا کہنا ہے کہ وزیراعظم شہباز شریف 31 مئی کو ترکی جائیں گے ، وزیراعظم دورہ ترکی میں دوطرفہ تعلقات، تجارت، سرمایاکاری سمیت مختلف موضوعات پر بات چیت کریں گے۔ ہائی لیول اسٹریٹجک کوآپریشن کونسل کی ساتویں میٹنگ میں دفاع، توانائی، تجارت سمیت مخلتف موضوعات پر بات ہوگی۔ وزیراعظم کے ہمراہ اعلیٰ سطح وفد بھی ہوگا۔ وزیراعظم دورہ ترکی ترک صدر رجب طیب اردگان کی دعوت پر کر رہے ہیں۔