اسلام آباد (این این آئی)پاکستان تحریک انصاف نے گرین ایریاز اور درختوں کی بحالی کے حوالے سے اسلام آباد انتظامیہ کو اپنی خدمات دینے کا اعلان کر دیا،انصاف ویمن ونگ کی صدر منیرا جاوید نے اسلام آباد کے ترقیاتی ادارے سی ڈی اے کے چیئرمین کو باضابطہ خط لکھ دیا جس میں کہاگیاکہ تحریک انصاف ملک کی واحد جماعت ہے جو ماحولیات کو بہتر بنانے کے حوالے سے واضح پالیسی رکھتی ہے۔ متن کے مطابق چیئرمین تحریک انصاف عمران خان نے بلین ٹری سونامی کے منصوبے کے تحت ملک میں درخت اگانے کی اہمیت پر سب سے زیادہ زور دیا،پاکستان تحریک انصاف کے حقیقی آزادی مارچ کے دوران درخت شدید متاثر ہوئے، تحریک انصاف رضاکارانہ طور پر سی ڈی اے کے ساتھ گرین ایریا اور درختوں کی بحالی کے کام میں اپنی خدمات سرانجام دی گی۔