اسلام آباد (این این آئی)چیئرمین نیب کی تعیناتی معاملہ حکومت اور اپوزیشن لیڈر میں مشاورت شروع ہوگئی اس سلسلے میں اپوزیشن لیڈر راجہ ریاض کی وزیراعظم شہباز شریف سے ملاقات کی،دونوں رہنماؤں نے چیئرمین نیب کیلئے مختلف ناموں پر غور کیا۔ ذرائع کے مطابق حکومت نے کسی ریٹائرڈ جج کی بجائے ریٹائرڈ بیورو کریٹ کو چیئرمین لگانے کا فیصلہ کیا ہے۔ ذرائع کے مطابق ابتدائی طور پر تین ناموں پر مشاورت کی گئی ہے،سابق بیورو کریٹ فواد حسن فواد،سابق چیئرمین نیب قمر الزماں اور سابق ڈی جی ایف آئی اے بشیر میمن چیئرمین نیب کی دوڑ میں شامل ہیں،۔

موضوعات:چیئرمین نیب