کراچی (این این آئی)سابق کرکٹر وسیم اکرم کی اہلیہ شنیرا نے پاکستان تحریک انصاف کے لانگ مارچ میں پولیس کے فائر کیے گئے ایک شیل کا شاندار کیچ پکڑنے والے نوجوان کو قومی ٹیم میں شامل کرنے کا مشورہ دے دیا۔شنیرا اکرم نے اپنے انسٹاگرام اکانٹ پر پی ٹی آئی کے نوجوان کارکن کی ویڈیو شیئر کی۔ویڈیو میں دیکھا جاسکتا ہے کہ پولیس کی جانب سے شیلنگ کی جارہی ہے تو اسی دوران ایک نوجوان کارکن اپنی صلاحیتوں کا مظاہرہ کرتے ہوئے شیل کا زبردست کیچ پکڑ لیتا ہے۔شنیرا نے ویڈیو دیکھ کر نوجوان پی ٹی آئی کارکن کے شاندار کیچ کی تعریف کی۔انہوں نے مشورہ دیا کہ اس نوجوان لڑکے کو ڈھونڈ کر قومی کرکٹ ٹیم میں شامل کرنے کی ضرورت ہے۔دوسری جانب سوشل میڈیا پر بھی نوجوان کے کیچ کے خوب چرچے ہورہے ہیں اور زیادہ تر صارفین نے اس کیچ کو رواں سال کا بہترین کیچ قرار دیا۔