اسلام آباد (مانیٹرنگ ڈیسک) تحریک انصاف کے چیئرمین عمران خان نے تمام کارکنوں کو ڈی چوک پہنچنے کی ہدایات جاری کی تھیں جس پر کارکنوں کی ایک بڑی تعداد ڈی چوک پہنچ چکی ہے،جہاں پر پولیس اور کارکنوں کے درمیان پتھراؤاور شیلنگ کا تبادلہ بھی ہوا، کارکنوں نے آنسو گیس سے بچنے کے لئے جگہ جگہ آگ لگا دی، دوسری جانب عمران خان کاقافلہ حسن ابدال پہنچ چکا ہے، اس کے علاوہ تحریک انصاف کے مزید قافلے بھی ڈی چوک پہنچ گئے ہیں اور یہ سلسلہ ابھی جاری ہے۔عمران خان نے حسن ابدال نے کہا کہ میں عوام کا سمندر لے کر ڈی چوک پہنچ رہا ہوں جب تک حکومت انتخابات کی تاریخ نہیں دیتی ہم کہیں نہیں جا رہے۔