لاہور (این این آئی) ایوان عدل کے سامنے پولیس اور وکلا کے درمیان شدید جھڑپ ہوئی جس میں وکلا نے پولیس پر دھاوا بول دیا۔نجی ٹی وی کے مطابق لاہور میں وکیل رہنما زبیر نیازی ریلی کے ہمراہ جیسے ہی ایوان عدل پہنچے تو پولیس نے انہیں حراست میں لے لیا جس کے بعد زبیر نیازی کے ہمراہ ان کے حمایتی وکلا نے پولیس پر دھاوا بول دیا۔اس دوران پولیس اور وکلا کے درمیان شدید جھڑپ ہوئی اور وکلا نے زبیر نیازی کو پولیس کی حراست سے چھڑا لیا جس کے بعد زبیر نیازی وکلا کے ساتھ آگے کی طرف روانہ ہوگئے۔