اسلام آباد (مانیٹرنگ ڈیسک )معمر خاتون بھیڑ کی ٹکر سے ہلاک ہو گئی ، بھیڑ کو 3 سال کی سزا سنا دی گئی ۔ تفصیلات کے مطابق یہ واقعہ افریقی ملک سوڈان کی ریاست لیکس اسٹیٹ کے علاقہ رمبک میں گزشتہ ہفتے رونما ہوا ہے ۔ غیر ملکی رپورٹس کے مطابق معمر خاتون کو بھیڑ نے کئی بار ٹکریں ماریں جس کے باعث ان کی ہڈیا ٹوٹ گئیں اور ہسپتال لے جاتے ہوئے وہ زخموں کی تاب نہ لاتے ہوئے چل بسی جبکہ پولیس نے بھیڑ کو حراست میں لے لیا ہے ۔ مقامی عدالت نےقاتل بھیڑ کو 3سال کی سزا سنائی ہے اور اس کے مالک کو زر تلافی کے طور پر 5گائیں متاثرہ خاندان کو دینے کے احکامات بھی جاری کیے ہیں ۔