سی این این نے عمران خان کے سازشی بیانیے کا پول کھول دیا،اینکر کے سوال پر سابق وزیراعظم بوکھلا گئے
اسلام آباد (آن لائن)امریکی نشریاتی ادارے سی این این نے سابق وزیر اعظم عمران خان کے سازشی بیانیے کا پول کھول دیا۔
پاکستان میں ہر ادارے پر چڑھائی کر نے والے عمران سی این این کے سامنے بھیگی بلی بن گئے۔تفصیلات کے مطابق سی این این کی اینکر پرسن نے عمران خان کو بوکھلا دیا۔
عمران خان کو سی این این پر بیانیہ بنانے میں مشکلات کا سامنا کرنا پڑا۔ امریکی غلامی کا سوال گول کر گئے۔ پاکستان میں امریکہ مخالف مہم جبکہ ٹرمپ کے امریکہ سے دوستی کے دعوے۔
سی این این اینکر نے عمران خان کو جب یاد دلایا کہ انہوں نے مراسلے پر کیا کیا۔ کیا امریکی صدر گا سیکریٹری خارجہ سے بات کی تو عمران خان نیشنل سیکیورٹی کمیٹی کے پیچھے چھپ گیا۔
امریکی اینکر نے جب عمران خان سے پوچھا کہ کیا جنگ کے دوران دورہ روس پر انہیں ندامت ہے؟ تو عمران خان آئیں بائیں شائیں کرنے لگے۔ ایک طرف امریکہ مخالف مہم اور دوسری طرف امریکی چینل پر انٹرویو کیا یہ کھلا تضاد نہیں ہے؟ اگلے الیکشن میں خود فریبی کے شکار عمران خان نے اپنی پارٹی کو سب سے بڑی پارٹی قرار دے دیا۔
