لاہور (آن لائن ) پاکستان تحریک انصاف کی جانب سے لانگ مارچ کی تاریخ کا اعلان کرنے کے بعد وزیراعلیٰ پنجاب حمزہ شہباز شریف نے امن و امان سے متعلق اہم اجلاس پیر کو طلب کرلیا ہے۔ ذرائع کے مطابق وزیراعلیٰ حمزہ شہباز نے پنجاب پولیس، اسپیشل برانچ سے حکمت عملی طلب کرلی ہے جبکہ پنجاب پولیس کی جانب سے تحریک انصاف کے سرگرم کارکنوں کی فہرستیں تیار کرنا شروع کردی گئی ہیں۔اس حوالے سے ذرائع کا مزید کہنا تھا کہ اجلاس میں فہرستوں سے متعلق بریفنگ دی جائے گی۔ خیال رہے کہ پی ٹی ا?ئی چیئرمین عمران خان کی جانب سے 25 مئی کو اسلام ا?باد کی طرف لانگ مارچ کا اعلان کیا گیا ہے۔