کراچی (این این آئی)رکن قومی اسمبلی عامر لیاقت حسین نے اپنی بیٹی دْعا کی 22ویں سالگرہ کے موقع پر سوشل میڈیا پر خصوصی پوسٹس شیئر کی ہیں۔عامر لیاقت حسین نے اپنے انسٹاگرام اکاؤنٹ پر اپنی بیٹی دْعا کے ہمراہ لی گئی ماضی کی یادگار تصویر شیئر کی جس میں وہ بیحد خوش ہیں۔اْنہوں نے بیٹی کے ساتھ ایک اور تصویر شیئر کرتے ہوئے لکھا کہ آپ کو 22ویں سالگرہ مبارک ہو، ہم 4 ہیں۔اس کے علاوہ عامر لیاقت نے اپنی ویڈیو شیئر کی جس میں وہ اپنی پالتو بلی کے گلے لگ کر سو رہے ہیں۔عامر لیاقت نے بیٹی سے مخاطب ہوتے ہوئے کیپشن میں لکھا کہ دْعا! اب میں سو رہا ہوں بہت دور ہوں مگر سالگرہ مبارک بہت قریب سے۔واضح رہے کہ عامر لیاقت حسین نے پہلی شادی بشریٰ اقبال سے کی تھی جن سے اْن کا ایک بیٹا اور ایک بیٹی ہے۔