لندن(مانیٹرنگ، این این آئی) پاکستان مسلم لیگ (ن) کے کابینہ ارکان نے میاں نواز شریف سے ملاقات سے قبل ایک بار نہیں بلکہ دو بار حلف اٹھایا کہ وہ سابق وزیراعظم سے ہونے والی گفتگو کو خفیہ رکھیں گے، دوسری جانب وزیر دفاع خواجہ محمد آصف نے کہا ہے کہ ملک سے متعلق اہم فیصلے کر لئے ہیں،

اپنا کیس اتحادیوں کے ساتھ مل کر عوام کے سامنے رکھیں گے۔لندن میں مسلم لیگ(ن) کے مشاورتی اجلاس کے بعد صحافیوں سے گفتگو کرتے ہوئے وزیر دفاع اور رہنما(ن) لیگ خواجہ آصف نے کہا کہ اتحادیوں سے مشاورت کے بعد آئندہ 48 گھنٹوں میں عوام کو اعتماد میں لیں گے، تاکہ ملک میں غیر یقینی کی صورتحال کا خاتمہ ہو۔عمران خان پر کڑی تنقید کرتے ہوئے خواجہ آصف نے کہا کہ یہ وہ شخص ہے جو جس ہاتھ سے کھاتا ہے، اسی کو کاٹتا ہے، یہ نہ عوام کا ہے نہ پاکستان کا۔وزیر دفاع نے کہا کہ ہم پر دبا صرف پاکستان کے عوام کا ہوسکتا ہے اور کسی کا نہیں ہے، ہم پر صرف ہمارا ووٹر دبا ڈال سکتا ہے، ہم ووٹر کا دبا برداشت کریں گے اور کسی کا نہیں، چاہتے ہیں ملک میں استحکام آئے، تباہی کا سدباب کیا جا سکے۔انہوں نے کہا کہ عوام خود مختار ہیں، ہم اور اتحادی اپنا کیس عوام کے سامنے رکھیں گے، جو بھی مذاکرات کیے ہیں وہ ہم اتحادیوں کے سامنے رکھیں گے، ہم اکیلے کوئی فیصلہ کرنے کی پوزیشن میں نہیں، نہ کرنا چاہیے، اسٹیک صرف مسلم لیگ (ن) کا نہیں، پیپلز پارٹی، جے یو آئی کا بھی ہے۔خواجہ آصف نے کہا کہ اسٹیک بی این پی مینگل، بی اے پی اور ایم کیو ایم کا بھی ہے، جب تک اتحادی آن بورڈ نہیں ہوں گے کسی فیصلے پر نہیں پہنچ سکتے۔