تحریر۔زاہد منیر
ایک کہاوت مشہور ہے کہ روزانہ ایک سیب کھانے سے آپ صحت مندرہ کر ڈاکٹر سے بچ سکتے ہیں لیکن حیران کن ایک راز سے پردہ اٹھاہے کہ روزانہ شراب کا ایک ٹھنڈا گلاس آپ کے 100سال سے زیادہ جینے کا موجب بن سکتا ہے، آپ ایک لمحے کیلئے حیران ضرور ہونگے ، جی ہاںحیران کن راز بیلجیئم سے تعلق رکھنے والے 102سالہ جڑوا بھائیوں نے راز فاش کیا ہے جن کا کہنا ہے کہ ہماری طویل عمری روزانہ ایک گلاس شراب نوش کرنے سے ممکن ہوئی ہے ،بارڈیکس ہماری پسندیدہ ترین شراب رہی ہے ، پیٹر اور پالس لینگرکاک نامی یہ دو بوڑے بھائی گینز بک آف ورلڈ ریکارڈ کے مطابق دنیا کے سب سے عمر رسیدہ جڑوا بھائی ہیں ، پالس کا کہنا ہے کہ 85سال کی عمر میں جب ہم ڈاکٹرز کے پاس چیک اپ کیلئے گئے تواس نے ہمیں بتایا کہ آپ کسی صورت بھی 100سال کی عمر نہیں پاسکوگے تب میں نے اسے جواب دیا کہ میں ایسا چاہتا بھی نہیں ہوں ، لنگرراک برادرز نے پچھلے مہینے اپنی 102سالہ سالگرہ منائی ، گنیزبک آف ورلڈ ریکارڈ نے تصدیق کی ہے کہ پوری دنیا میں اس وقت دونوں طویل العمر جڑوابھائی ہیں ، پیٹر اور پالس نے لمبی زندگی گزارنے کے بارے میں کچھ مزید ٹپس بتاتے ہوئے کہا کہ اگر آپ طویل عمر پانے کے خواہش مند ہیں تو اپنا وقت اِدھر اُدھر ضائع مت کریں ، زیادہ کھانے سے گریز کریں اور کبھی کسی عورت کے پیچھے نہ بھاگیں ، دونوں بھائیوں کا کہنا ہے کہ آپ اگر شادی کرنا چاہتے ہیں تو اپنے پیار کا انتخاب کریں ، حیران کن طور پر دونوں بھائیوں نے پوری عمر شادی نہیں کی ، اس قدر طویل عمر گزارنے کا ایک راز شاید یہ بھی ہے کہ دونوں بھائیوں کے درمیان دوستی اور پیار کا رشتہ کبھی کم نہیں ہوا، یہ ہمیشہ ایک ساتھ ہی رہے ہیں ، قریباً 3سال پہلے دونوں اپنے ریٹائرمنٹ والے گھر میں شفٹ ہوگئے جہاں یہ ایک کمرے میں ہی رہتے ہیں ، پیٹر کا کہنا ہے کہ پالس میرا بہترین دوست ہے ہم ہر وقت ساتھ اور خو ش رہتے ہیں ،
طویل عمر پانے میں شراب نوشی کے کردار سے متعلق اس طرح کا انکشاف کچھ اور 100سالہ لوگوں نے بھی کیا ہے ،پنسولینیا سے تعلق رکھنے والی 100سالہ پالین سپاگنولا کا کہنا ہے کہ میری لمبی عمر کا راز شاید میری بہت زیادہ شراب نوشی ہے ، پالین نے اسی سال کے شروع میں اپنی 100سالہ سالگرہ منائی ہے ، اسی طرح 109سالہ جیسی گالن جو سکاٹ لینڈ سے تعلق رکھتی ہے ان کا کہنا ہے کہ مردوں سے دوری نے اسے لمبی اور فرحت بخش زندگی دی ہے اس مقصد کیلئے انہوں نے کسی سے شادی نہیں کی ۔