لندن (این این آئی)برطانیہ کے بلدیاتی انتخابات میں حکمراں جماعت کنزرویٹو پارٹی سینکڑوں نشستوں سے محروم ہوگئی جبکہ لبرل ڈیموکریٹس کی سیٹوں میں اضافہ ہوا ہے۔غیرملکی میڈیا کے مطابق برمنگھم میں لیبر پارٹی کی اکثریت برقرار ہے، بریڈفورڈ میں بھی لیبر پارٹی نے میدان مار لیا، اسکاٹ لینڈ میں انس سرور کی قیادت میں لیبر تیسرے سے دوسرے نمبر پر آگئی۔رپورٹس کے مطابق برطانیہ بھر میں کئی خواتین سمیت سینکڑوں پاکستانی بھی کونسلر منتخب ہوئے ہیں۔مانچسٹر کے علاقے اولڈھم سے لیبر پارٹی سے تعلق رکھنے والی پاکستانی نژاد لیڈر آف کونسل اولڈھم عروج شاہ اپنی نشست کا دفاع نہ کرسکیں، انہیں چاڈرٹن ساوتھ وارڈ میں کنزرویٹو نے شکست دی۔غیرملکی میڈیا کے مطابق برطانیہ میں کورونا پابندیوں سے آزادی کے بعد پہلی بار لوگ ووٹنگ میں حصہ لے رہے ہیں۔