اسلام آباد(مانیٹرنگ ڈیسک /این این آئی)فرح خان کو ٹرانسفرکی گئیں کروڑوں روپے مالیت کی زمینوں کے دستاویزات سامنے آگئیں۔نجی ٹی وی سماء کے مطابق دستاویزات کے مطابق بزنس ٹائیکون کے بیٹے نے کروڑوں روپے مالیت کی زمین فرح گوگی کے نام منتقل کی۔دستاویزات کے مطابق موہڑہ نور اسلام آباد میں 200 کنال 6 مرلے منتقل ہوئے۔100 کنال ایک مرلے

اور 100 کنال 5 مرلے کی 2 زمینیں ٹرانسفر کی گئیں۔ ایک منتقلی 10مارچ 2021، دوسری 26 اگست 2021 کو ہوئی۔بنی گالہ کے قریب زمین ٹرانسفر ہونے پر کئی سوالات اٹھ گئے۔ زمین منتقلی کی رقم کس نےادا کی،اصل مالک کون؟کئی سوالات جواب طلب ہیں۔اس سے قبل سابق خاتون اول کی دوست فرح بی بی کے گاؤں ميں کروڑوں روپے کے منصوبوں کا بھی انکشاف ہوا تھا۔ بشریٰ بی بی کی دوست فرح خان کے ضلع شيخوپورہ ميں گزشتہ 3 سال ميں 18 ارب روپے کے فنڈز فراہم کيئے گئے۔پنجاب میں کم وقت میں ترقی کرنے والا واحد گاؤں گھنگ ہےجو آج کل اپنی ترقی کی وجہ سے شہہ سرخیوں کی زینت بناہوا ہے۔دوسری جانب احسن جمیل گجر کے چچاز زاد بھائی حارث میراں نے احسن جمیل اور فرح خان کو کرپشن کے ماسٹر قرار دیتے ہوئے کہا ہے کہ ان دونوں نے گوجرانوالہ میں کرپشن کے انبار لگا رکھے ہیں ، ایک پلاٹ کو دس دس جگہ بیچا ہے ، میرے اربوں روپے کی زمین فراڈ کے ذریعے ہتھیالی ہے ، پولیس نے میری بات ہی نہیں سنی۔میڈیا سے گفتگو کرتے ہوئے احسن جمیل کا چچا زاد بھائی اور چوہدری اقبال کا بھتیجا حارث میراں نے کہاکہ سارا شہر ان کی کرپشن کے گن گا رہا ہے ، انہوںنے ٹرانسفر اور پوسٹنگ کے پیسے کے علاوہ اور بھی بہت سے الزامات ہیں ۔انہوںنے کہاکہ اصل کرپشن گوجرانوالہ میں ایک ہائوسنگ سوسائٹی بنا کر کی ہے ، اس کا این اوسی غلط اور فیک حاصل کیا ہے ، انہوں نے ہماری زمین ہتھیائی ہے اور سارے ڈیپارٹمنٹ کے ساتھ ملکر ساز باز کر کے این اوسی حاصل کیا اس پر ساری سوسائٹی سیل کی جس کی مالیت 27ارب روپے کے قریب بنتی ہے ۔ انہوںنے مریم نواز کو مخاطب کرتے ہوئے کہاکہ آپ کے سکینڈل ڈھونڈ رہے ہیں آپ نے کسی سے پوچھا گوجرانوالہ میں کرپشن کے انبار لگا ئے رکھے ہیں ، ایک ایک پلاٹ کو دس دس جگہ بیچا گیا ہے ، دونوں میاں بیوی کرپشن کے ماسٹر ہیں ۔ انہوںنے کہاکہ احسن جمیل ماضی میں گوجرانوالہ کے ضلعی ناظم رہ چکے ہیں اور کہتے ہیں میرے کسی عہدے پر نہیں رہا ۔ انہوںنے کہاکہ ان لوگوں نے میرے ساتھ ذاتی طورپر فراڈ کیا ہے ؟ میں عدالتوں ، نیب ، اینٹی کرپشن میں گیا ہوں ، پولیس کو درخواست دی ہے مقدمہ نہیں ہوا ہے ۔