کراچی (این این آئی)قومی فاسٹ بولر شاہنواز دہانی نے شہرِ قائد سے لاپتہ ہونے والی نوعمر لڑکی دعا زہرہ کیلئے دعا کی ہے۔شاہنواز دہانی نے دعا زہرہ کی بحفاظت واپسی کے لیے مائیکرو بلاگنگ سائٹ ٹوئٹر پر خصوصی پیغام جاری کیا۔اْنہوں نے اپنے ٹوئٹ میں کہا کہ ابھی تک اس خبر کا انتظار ہے کہ دعا زہرہ فیملی کے پاس واپس آگئی ہے۔ قومی کرکٹر نے کہا کہ میری دعا ہے کہ وہ جلد از جلد اپنے والدین اور بہن بھائیوں سے دوبارہ مل جائے۔واضح رہے کہ کراچی سے اغواء ہونے والی 14سالہ لڑکی دعا زہرہ کئی روز بعد بھی بازیاب نہیں ہوسکی ۔