کراچی(این این آئی)پاکستان پیپلز پارٹی نے شہر قائد میں اپنی عوامی طاقت دکھانے کے لیئے جشن فتح و آئین منانے کا فیصلہ کیا ہے۔پاکستان پیپلز پارٹی کراچی ڈویژن کا اجلاس صدر سعید غنی کی زیر صدارت ہوا، جس میں کراچی ڈویژن نے 15 اپریل جمعہ کو رات 9:00 بجے کلفٹن تین تلوار پر جشن فتح و آئین منانے کا فیصلہ کیا ہے۔سعید غنی نے کہاکہ جشن میں کراچی بھر سے پارٹی کے عہدیدار اور کارکن بھرپور تعداد میں شرکت کریں گے۔ تمام پارٹی عہدیداران ابھی سے تیاری شروع کردیں۔ تحفظ آئین اور یوم تشکر پر کراچی ڈویژن کے تحت بھرپور طاقت کا مظاہرہ کیا جائے گا۔انہوں نے کہاکہ 10 اپریل 2022 کا دن اس ملکی تاریخ میں دفاع آئین کے طور پر ہمیشہ یاد رکھا جائے گا۔اجلاس میں پی پی پی سندھ کے جنرل سیکرٹری وقار مہدی، جاوید ناگوری، کراچی کے تمام عہدیداران، ضلع کے عہدیداروں کے علاوہ ذیلی تنظیموں کے صدور نے شرکت کی ۔