اسلام آباد (این این آئی)اسلامی تعاون تنظیم (او آئی سی)کی وزرائے خارجہ اجلاس میں مقبوضہ کشمیر کی حمایت میں چینی وزیر خارجہ کا بیان بھارت کو برداشت نہ ہوا اور تلملا اٹھا۔ترجمان بھارتی وزارت خارجہ ارندام باگچی کا کہنا تھا کہ او آئی سی کانفرنس میں چینی وزیر خارجہ کے بھارت کے حوالے سے بیان کو مسترد کرتے ہیں۔انہوں نے کہا کہ چین یا دوسرے ممالک کا کشمیر پر تبصرہ کرنے کا کوئی جواز نہیں ہے۔ان کا کہنا تھا کہ جموں و کشمیر اور اس سے متعلق مسائل بھارت کا اندرونی معاملہ ہیں۔