اسلام آباد (این این آئی) پاکستان پیپلز پارٹی کے سیکرٹری جنرل نیئر حسین بخاری نے کہاہے کہ پیپلزپارٹی متحدہ اپوزیشن کا حصہ ہے پی ڈی ایم کا نہیں ۔وہ پاکستان پیپلزپارٹی سیکرٹریٹ میں بیگم نصرت بھٹو کی سالگرہ کی تقریب سے خطاب کررہے تھے۔

تقریب میں سیکرٹری جنرل پاکستان پیپلزپارٹی نئیر بخاری اور انچارج سیکرٹریٹ سبط حیدر بخاری نے شرکت کی جبکہ تقریب میں کارکنان بھی شریک ہوئے ۔سیکرٹری جنرل پیپلزپارٹی نیئر حسین بخاری نے کہاکہ بھٹو صاحب کی شہادت کے بعد بیگم صاحبہ نے جو جدوجہد کی ،بیگم صاحبہ نے جمہوریت کی بحالی کیلئے سر پر ہاکیاں کھائیں ۔ انہوںنے کہاکہ پیپلزپارٹی آج بھی جمہوریت کیلئے کوشش کر رہی ہے ،پاکستان کی موجودہ پوزیشن پر مطمئن ہے ،حکمران گھبرائے ہوئے ہیں ۔ انہوںنے کہاکہ چودہ لوگوں کو نوٹس دینے کے بعد زیر اعظم کی اکثریت نہیں ہے ،اپوزیشن کے پاس نمبر پورے ہیں ،سپیکر جانبداری برت رہا ہے ۔ انہوںنے کہاکہ ہم وزیراعظم کو وزیر اعظم نہیں سمجھتے ،ریفرنس بھیج کر تحریک انصاف کے منحرف ارکان کو ڈرایا جا رہا ہے ،تاحیات نااہلی کی بات کہیں نہیں ہے ۔ انہوںنے کہاکہ پیپلزپارٹی متحدہ اپوزیشن کا حصہ ہے پی ڈی ایم کا نہیں ،عمران خان کا ووٹنگ سے پہلے استعفیٰ ہی سرپرائز ہو سکتا ہے ۔ انہوںنے کہاکہ وزیراعلی بلوچستان نے بھی استعفیٰ دے دیا تھا ۔ انہوںنے کہاکہ گالم گلوچ بریگیڈ کے چند دن رہ گئے ہیں۔