راولپنڈی(این این آئی)پاکستان کرکٹ بورڈ نے آسٹریلوی کرکٹر ڈیوڈ وارنر کے راولپنڈی اسٹیڈیم میں ڈانس کی ایک اور ویڈیو شیئر کردی۔ویڈیو میں ڈیوڈوارنر کو پنڈی اسٹیڈیم میں بھنگڑا ڈالتے اور رقص کرتے دیکھا جاسکتا ہے۔چند سیکنڈ پر مشتمل ویڈیو میں وارنر کھیل سے لطف اندوز ہونے کے
ساتھ ساتھ ڈانس کررہے ہیں جبکہ پی سی بی کی ویڈیو میں میوزک بھی لگایا گیا ہے۔واضح رہے کہ اس سے قبل بھی وارنر کی اسٹیڈیم میں ڈانس کی ایک ویڈیو وائرل ہوئی تھی جس پر گراؤنڈ میں تماشائیوں نیڈیوڈ وارنر کے نام کے نعرے لگائے، ڈیوڈ وارنر نے شائقین کرکٹ کے نعروں کا بھرپور جواب دیا۔
