اسلام آباد (این این آئی)مشیر تجارت عبدالرزاق داؤد نے کہاہے کہ پاکستان اور افغانستان نے دونوں ممالک کے درمیان ایک دوسرے کے ٹرکوں کی آزادانہ نقل و حرکت

کی اجازت دیدی۔مشیر تجارت عبد الرزاق دائود نے پاک افغان دوطرفہ تجارت کے حوالے سے اپنے بیان میں کہاکہ پاکستان اور افغانستان نے دونوں ممالک کے درمیان ایک دوسرے کے ٹرکوں کی آزادانہ نقل و حرکت کی اجازت دیدی،21 مارچ 2022 سے دونوں ممالک کے ٹرک سرحد کے آر پار جاسکیں گے،یہ نقل و حرکت عارضی داخلہ کی دستاویزات (TAD) کے ذریعے ہو سکے گی،افغان ٹرانسپورٹرز کابل میں پاکستانی سفارت خانہ اور قندھار میں قونصل خانہ سیاجازت نامہ حاصل کر سکتے ہیں، پاکستانی ٹرانسپورٹرز پشاور اور کوئٹہ کے قونصل خانوں سے عارضی اجازت نامہ حاصل کر سکتے ہیں۔ انہوںنے کہاکہ یہ ایک تاریخی پیشرفت ہے، اس سے ہمارے تجارتی تعلقات افغانستان، وسطی ایشیا اور اس سے بھی آگے تک بڑھیں گے۔