لاہور ( این این آئی) نامور اداکار ثنا نے کہا ہے کہ فلمسازی کو فروغ دینے کیلئے ایک مشترکہ پلیٹ فارم بنانا چاہیے جس کے تحت فلمساز سرمایہ کاری کر سکیں ، اس طرح کے اقدام سے مثبت نتائج سامنے آئیں گے اور پاکستان میں فلمیں بننے کی رفتار میں تیزی سے اضافہ ہو گا
جس سے روایتی فلمسازوں کے ساتھ نئے فلمساز اور اداکار بھی سرمایہ کاری کریں گے ۔ خصوصی گفتگو کرتے ہوئے ثنا نے کہا کہ ایسے ادارے کا مقصد مشترکہ فلمسازی کے ذریعے نفع اور نقصان میں ایک دوسرے کے ساتھ رہنا ہے تاکہ اگر فائدہ ہو تو تمام فلمساز اس سے منافع کمائیں اور اگر نقصان ہو تو تھوڑا تھوڑا نقصان برداشت کریں ۔ اداکارہ نے کہا کہ نئی فلم کو پورے پاکستان میں ریلیز کیا جائے اور ٹکٹ کی قیمت اس حد تک رکھی جائے کہ عام آدمی بھی اپنی فیملی کے ساتھ سینما گھر میں جا کر فلم دیکھ سکے ۔ اس فارمولے سے پاکستان فلم انڈسٹری کو یقینا فائدہ ہو گا ۔ انہوں نے کہا کہ بطور پاکستانی اداکارہ میری خواہش ہے کہ بھارت کی طرح ہماری فلم انڈسٹری بھی دنیا میں اپنے نام کا ڈنکا بجائے ۔