اسلام آباد (این این آئی)قلندرز کے کپتان شاہین آفریدی نے فائنل پہنچنے پر خوشی کا اظہار کرتے ہوئے کہاہے کہ اب صرف فائنل کا ایک میچ رہ گیا ہے، چاہتا ہوں ٹیم اس کے ہر لمحے سے لطف اندوز ہو۔قلندرز کے کپتان شاہین آفریدی نے ٹوئٹر پیغام میں اللہ تعالیٰ کا شکر ادا کرتے ہوئے ٹیم کی محنت کو جیت کی وجہ قرار دیا اورانہوں نے خاص طور پر ڈیوڈ ویزا، حارث رؤف، عبداللہ شفیق اور زمان خان کو مینشن کیا۔شاہین نے کہا کہ اب صرف فائنل کا ایک میچ رہ گیا ہے، میں چاہتا ہوں ٹیم اس کے ہر لمحے سے لطف اندوز ہو۔واضح رہے کہ لاہور قلندرز نے اسلام آباد یونائیٹڈ کو سنسنی خیز مقابلے کے بعد 6 رنز سے شکست دی اور فائنل میں جگہ بنائی، ملتان اور لاہور کے درمیان فائنل 27 فروری بروز اتوار کو کھیلا جائے گا۔

موضوعات:شاہین آفریدی